銅鑼灣如心酒店「阿翁小館」傳統粵菜全新菜單慶中秋

Text: 楊文翰

朋友重返職場，加入如心酒店集團當PR，第一時間約我開飯。老朋友重聚當然開心啦，但心裏歉疚，乜香港有如心酒店㗎咩？好彩有Google，上網一查，原來香港有四間如心酒店，而且仲有一間鮑魚專門店「阿翁小館」。

阿翁小館是如心酒店集團與鮑魚專家兼米芝蓮星級食府富豪酒家主理人「阿翁」翁仰光先生合作，於2019年開設的粵菜酒家，由總廚林偉良師傅主理，主打傳統巧手粵菜之餘，當然有翁先生拿手的鮑魚啦，還有阿翁四寶、生拆羔蟹炒官燕和蛋白蒸蟹箝等著名菜式。

適逢中秋佳節家人團圓飯聚的時候，阿翁小館推出兩款全新菜單，分別是「阿翁經典名饌套餐」及「阿翁珍饈宴」，前者菜式包括原燉花膠爵士湯、飽魚汁遼參鵝掌、生炆老虎頭腩等，兩位起每位$780；後者菜式更為豪華，包括砂鍋水晶炒官燕、28頭吉品飽、珊瑚百花釀花膠、香芹蘿蔔海班卷等，每位$1,680。有興趣的朋友，可到酒店網頁查看。